गीत



कल्पनामा जीवन बच्नु साह्रै मिठो रैछ
फुल भनि चुम्न खोजें काँडा काँडा रैछ


तिमीलाई विश्वास गर्नु आफैलाई जलाउनु भो
आफै जली तिमीलाई रोज्नु मेरो भुल रैछ


दोबाटो मै भेटिएर दोबाटोमै छुट्यौं हामी
तिम्ले भुल्यौ मैले मात्र सम्झिनु न रैछ


कल्पनामा जीवन बच्नु साह्रै मिठो रैछ
फुल भनि चुम्न खोजें काँडा काँडा रैछ




कोकिला कुवैत

-कोकिला




पवित्र यो मन मन्दिरमा पुज्न मैले खोजेकी छु
सपनीमा कैयौं चोटी तिमीलाई मैले रोजेकी छु




जिन्दगीको हरेक मोडमा भेट हुन मन थियो
नदेखेरै कैयौं चोटी तिमीलाई मैले देखेकी छु



सपनी मा देख्ने गर्छु कल्पनाको राजा तिमी
धमिलो यो निर्दोष चित्र आफै भित्र कोरेकी छु




प्रतिक्षामा तिम्रो बाटो गुलावले ढाकेकी छु
नभेटेरै कयौ चोटी तिमीलाई मैले भेटेकी छु





कोकिला कुवैत

-विन्दु अधिकारी





भावना





रोएर नयन कहिल्यै नरुझाउ
आँशु यो तिम्रो रित्तिन सक्छ l
छोडेर गन्तव्य नमोड़ पाइला
जीवन नै कतै छोडिन सक्छ l l





पर्खाइमा सजिन्छ्न सपना
विछोडमा टुटदछ्न आत्मा l
बिश्वासमा अगाडी लम्किन्छन पाइला
तर विश्वासघातमा पोखिन्छन वेदना l l






लुम्दे ५ ईलाम
हाल मालिया कुवैत

-माधव पोखरेल कुवैत




यहाँ जीवन कहाली लाग्दो
अनी काँही कतै आस लाग्दो
बाटाहरु धरै धरै छन यहाँ
तर भयानक अनी डर लाग्दो





आउँछन हरेक मोडहरु यहाँ
अनी अनगिन्ती घुम्ती यहाँ
कतै खुशीका त कतै पिडा लाग्दो
कतै मायाका त कतै घ्रिणा लाग्दो





बाच्ने शैली आफ्नै आफ्नो यहाँ
कती रोएरै त कती हाँसी हाँसी यहाँ
तर यहाँ किन हाँस्दा पनि खोट लाग्दो
रुनेको के हुनु उही माथि चोट लाग्दो





माया गर्नेको पनि आफ्नै कथा छ यहाँ
बुझीदैन केही कुरा आ-आफ्नै को यहाँ
यथार्थमा बाँच्न खोज्दा कतै घात लाग्दो
विश्वाश गर्दा यहाँ अबिश्वासको मात लाग्दो



कुवैत

-होम नाथ गिरी




नसोध मलाई मायामा किन धोका हुन्छ भनेर
किनकी म त चोखो माया गर्ने मान्छे,
नसोध मलाई मायाको निम्ती के गर्न सक्छु भनेर
किनकी म त साँचो मायाको निम्ती मर्ने मान्छे
त्यसैले त मन पर्दैन मलाई झुटो माया दिने मान्छे
आफ्नो स्वार्थ पुगे पछी पिठ्यु फर्काइ दिने मान्छे,
पिठ्यु फर्काइ दिने मान्छे !!





अल अमाना सेक्युरिटी ग्रुप
महबुल्ला – कुवेत

-विन्दु अधिकारी



घर छोडी परदेशमा लागियो
कामको खोजीमा अनेक दु:ख खाइयो
कसलाई भन्नु यो पिर
भाग्य आफ्नो सम्झिंदा हुन्न स्थिर





घरको याद आउछ मलाइ सम्झी रातमा
पराइ देशमा छु न छन कोहि साथमा
जन्म भुमि सम्झी ल्याउदा रुन्छ साह्रै मन
जब जब एक्लै हुन्छु दु:खी हुन्छु झन





सम्झिएर बाबा आमा मुटु पोल्न थाल्यो
सम्हाल्न सक्दिन म मन बोल्न थाल्यो
भनु कसलाई पिर व्याथा परदेशको ठाउँमा
सपनीमा सधै पुग्छु जन्मेको त्यो गाऊँमा





सम्झिएर गाउँ घर लाग्छ जान मन
दुखै सम्झी परदेशमा गर्छु दुखी काम
पराइ देशमा दु:ख पाउदा दु:खी हुन्छ मन
पोखु कसलाई मनको व्यथा रुन्छु एक्लै झन झन






हाल कुवैत

-बिन्दु अधिकारी




कति रमाइलो मेरो नेपाल
हरियाली पाखा पर्वतले
कति आनन्दमयी मेरो ठाँउ
आफ्नो भाषा र भेषभुषाले




रमाइलो लाग्छ मलाइ मेरो देश
स्वच्छ वताव्र्ण अनि नेपालीपनले
हरियाली आफ्नो ठाउँ
आफ्नै परम्परा र नदी नालाले




सधै रमाइलो लाग्छ मलाइ मेरो गाउँ
चरा चुरुंगी र संगीतको मधुर धुनले
त्यसैले त म भन्छु नेपाली दाजु भाइ
दिदीबैनी अब त फर्कौ आफ्नै गाउँ





हाल कुवैत

-कृष्ण भट्टराई गोठालो





आँखाभरी सपना मुटुभरी माँया थियो
किन विधाताले हारेको कर्म दियो
न त चाहना नै मेटाउन सकें
न त गन्तव्य नै भेटाउन सकें l




आँखा भरिको मेरो सपनालाई
खरानी बनाइ जलाइदियो
मुटुभरीको मेरो मांयालाई
भगवानले पनी भुलाइदियो l





रुसे ३ पाल्पा
हाल कुवैत

-सोना गुरुङ




टाडाहुन नखोज म त तिम्रै हुनेछु है
तिम्रै लागी पिरतीको माला उनेछु है



भेटहुदा कहिले पनी पराइ झैँ लाग्दिनौ
सधैलाइ आफ्नो भन्ने सपना बुनेछु है



हिजो खुबै मायाँ गर्यौ मैले भन्दा धेरै
आज तिमीपर छौ यस्तै कुरा सुनेछु है



जती दु:ख दिएपनी सहनु नै पर्यो मैले
मेरो मनको धुलोमैलो बरुमैले धुनेछु है



नजाऊ छोडी सोनालाई म तिम्रै भरमा छु
तिमीले छोडी गए जीवन भरी रुनेछु है




दिप नगर - ९ बुटवल

-मिना छेत्री



विश्वासघाती यो दुनियाँमा तिमीले मलाइ छोडीदियौ
रुदै बित्यो यो जिन्दगी तिमीले एक्लो पारीदियौ



रुदै बित्यो यो जिन्दगी तिम्रो याद र सम्झनामा
कोही छैन मलाइ सहारा दिने यो संसारमा



छोडी गयौ तिमीले मलाइ एक्लो बनाएर
आउने आशा नाभएनी मायाँ राख्छु सम्हालेर



आउछु भन्ने तिम्रो आश हो अरु के नै रह्यो
सबैको मायाँ यौटैहुन्न तिमीजस्तो पाउन सकिन




तिम्रो याद तिम्रो मायाँ मुटु भित्र राखेकी छु
छोडी गयेनी तिमीले एक्लै हुन्छु संसारमा



संगै बच्ने संगै मर्ने धोका दैबले चुडेर लग्यो
मलाइ मात्र धोका दियो चाहना उडेर गयो





मोरंग (कानेपोखरी)
हाल कुवैत

-माधव पोख्रेल




मेरो मन को आँगनीमा सँधै नाच्ने को हो
मन भरी माया बोकी मलाई जाच्ने को हो




एकैछिन टाढा हुँदा मलाई खोजी हिड्छिन
भित्र भित्रै मेरो लागी माया साच्ने को हो




छेउमा आई बोल्न खोज्दा बोली अड्काउछिन
लजालु नजर झुकाई मलाई भाच्ने को हो




हर दु:ख सुख उनी मलाई सँबै सुनाउछिन
तर पनि साँचो कुरा मनमा गाज्ने को हो




कुवैत