-विन्दु अधिकारी



घर छोडी परदेशमा लागियो
कामको खोजीमा अनेक दु:ख खाइयो
कसलाई भन्नु यो पिर
भाग्य आफ्नो सम्झिंदा हुन्न स्थिर





घरको याद आउछ मलाइ सम्झी रातमा
पराइ देशमा छु न छन कोहि साथमा
जन्म भुमि सम्झी ल्याउदा रुन्छ साह्रै मन
जब जब एक्लै हुन्छु दु:खी हुन्छु झन





सम्झिएर बाबा आमा मुटु पोल्न थाल्यो
सम्हाल्न सक्दिन म मन बोल्न थाल्यो
भनु कसलाई पिर व्याथा परदेशको ठाउँमा
सपनीमा सधै पुग्छु जन्मेको त्यो गाऊँमा





सम्झिएर गाउँ घर लाग्छ जान मन
दुखै सम्झी परदेशमा गर्छु दुखी काम
पराइ देशमा दु:ख पाउदा दु:खी हुन्छ मन
पोखु कसलाई मनको व्यथा रुन्छु एक्लै झन झन






हाल कुवैत