गजल



दुई झ्याल खुल्लै थिए तर ढोका बन्द थियो
सुमधुर साँझमा एकदम खुस्बु सुगन्ध थियो l


मनको खुल्दुली मेटाउन जब घुम्टो उघारियो
हिस्सी परेको मुहारमाझ मिलेको दन्त थियो l


सर्माई सर्माई एकअर्कामा समर्पित हुँदै जादा
दिलको धड्कन् बढेर बोली मन्द मन्द थियो l


सिरसिर हावा चलेर बाहिर ठन्डी बढ्दा पनि
भित्र दुई मुटु पग्लेर गर्मी झनै प्रचण्ड थियो l


कैले ईन्कार कैले प्रतिकार केही वास्त नगरी
रातैभरी घम्साघम्सी ठूलै भिषण द्वन्द थियो l


जवानीका रंग तरंग उथल् पुथल् छल्के पछि
दुवै मनमा सन्तुष्टी आह क्या आनन्द थियो l



भीमराज पाराङ