महाकवि लक्ष्मी प्रसाद देवकोटाको १०२ औं जन्म जयन्तीमा विश्वभरी संजालको रुपमा स्थापित ‎अन्तर्राष्ट्रिय नेपाली साहित्य समाज कुवैत च्यापटरले अक्टोबर २८ सुक्रबार भाइटीकाको दिन पारेर ‎लक्ष्मी साहित्य शृंखला गर्ने भएको छ प्रबाशमा नेपाल भाषा र साहित्यलाई दिगो राख्न कुवैत नगरीमा ‎साहित्यिक मनहरुले प्रचुर मात्रामा जागरुकता देखाएको प्रष्ट छ, उक्त लक्ष्मी साहित्य शृंखला कुवेतको ‎मुरगाब स्थित सोल्टी (नेपाली) होटेलमा दिनको दुइ बजेदेखि शुरु हुनेछ, उक्त लक्ष्मी साहित्य शृंखलामा ‎महाकवि देवकोटामा आधारित रचनाहरु मात्र वाचन गर्ने कुरा उक्त संथाका अध्यक्ष राजन रिमालले ‎जानकारी गराउनु भयो l अन्तर्राष्ट्रिय नेपाली साहित्य समाज कुवैत च्यापटर सबै बिधामा कलम ‎चलाउनुहुने श्रष्टाहरुले यसैलाई सुचना मानी अक्टोबर २८ सुक्रबार भाइटीकाको दिन मुरगाब स्थित ‎सोल्टी (नेपाली) होटेलमा आफ्नो रचनाको साथमा उपस्थितिको लागि अनुरोध गरेको छ तथा कुवेतका ‎सम्पूर्ण संघ संस्थाका साहित्यीक मनहरुलाई पनि आफ्नो रचनाको साथमा उपस्थित हुनको लागि ‎बिनम्र अनुरोध तथा निमन्त्रणा गर्दछ, अन्य जानकारीको लागी निम्न मोबाइल नम्बरमा राजन रिमाल ‎‎“अभिलाषी” - ६५९६५२३०, मनोज काफ्ले मनसुन - ६०७५०८३३, हरिकृष्ण न्यौपाने “घायल” - ९९४९८६६१, ‎आनन्द आचार्य “साइँलाबाजे” - ९९२१७८९४ , केदारनाथ खरेल ५५४३४०८७ अर्जुन ‎बस्नेत “उदासी” ६६२९८९२०, मा सम्पर्क गर्नुहुन समेत अनुरोध गरेको छ l ‎

पुनश्च - सबै रचना महाकवि लक्ष्मी प्रसाद देवकोटा सम्बन्धि हुनुपर्नेछ, कुवैत नगरीका सम्पूर्ण ‎साहित्यिक मनहरुलाई उक्त साहित्यिक मझेरीमा स्वागत छ ‎

NepalKuwait.Com

अन्तराष्ट्रिय नेपाली साहित्य समाज कुवैत च्याटर तथा अभि जमान स्मृती ट्रष्टको संयुक्त आयोजनामा यही आउदो अप्रिल २९ तारिख शुक्रबारका दिन अनेसास कुवेत च्याप्टरका संरक्षक अनेसास केन्द्रिय संचालक साहित्यकार कवि होम क्षेत्रीको कविता संग्रह "सुर्य निभ्दैन" को लोर्कापण विमोचनको साथमा अनेसास कुवेत च्याप्टरको कविगोष्टी कुवेतको मंगाफ स्थित लतीफा टावरमा सम्पन्न हुदैछ । विस्तृत जानकारीको लागी ६५९६५२३० ६०७५०८३३ ९९२१७८९४ मा सम्पर्क गनुहोला ।


अध्यक्ष राजन रिमाल अभिलाषी
सचिव मनोज काफ्ले मनसुन
अन्तराष्ट्रिय नेपाली साहित्य समाज कुवैत च्याटर

गजल



दुई झ्याल खुल्लै थिए तर ढोका बन्द थियो
सुमधुर साँझमा एकदम खुस्बु सुगन्ध थियो l


मनको खुल्दुली मेटाउन जब घुम्टो उघारियो
हिस्सी परेको मुहारमाझ मिलेको दन्त थियो l


सर्माई सर्माई एकअर्कामा समर्पित हुँदै जादा
दिलको धड्कन् बढेर बोली मन्द मन्द थियो l


सिरसिर हावा चलेर बाहिर ठन्डी बढ्दा पनि
भित्र दुई मुटु पग्लेर गर्मी झनै प्रचण्ड थियो l


कैले ईन्कार कैले प्रतिकार केही वास्त नगरी
रातैभरी घम्साघम्सी ठूलै भिषण द्वन्द थियो l


जवानीका रंग तरंग उथल् पुथल् छल्के पछि
दुवै मनमा सन्तुष्टी आह क्या आनन्द थियो l



भीमराज पाराङ

कविता


उज्यालो संसारमा भित्र भित्रै कालो कर्तुत गर्दा रहेछन् यहाँ

आफुलाई धर्मात्मा कहलाउनेहरु पनि पापी हुँदा रहेछन् यहाँ

खै....कस्को विश्वास र भरोषा गरौ यहाँ

नावालक चेलीहरुको अस्मितालाई लुट्ने लुटेराहरु रहेछन् यहाँ

अस्मितालाई लुट्ने लुटेराहरु रहेछन् यहाँ ।




दानवको राज्यमा शान्तिहोला तर अशान्ति छाएको छ यहाँ

आफ्नो अस्मिता लुटिदा पनि मुक दर्शक बन्न बाध्य छन् यहाँ

खै....कस्ले पो हाम्रो उद्धार गर्ला र ? यहाँ

शरण दिने नाममा आफै ईज्जत लुट्ने कोशिस गर्दछन् यहाँ

ईज्जत लुट्ने कोशिस गर्दछन् यहाँ l




आफ्ना माईती भनौदा नेपाली दाजुभाईहरुबाटै लुटिएका छन् यहाँ

गफले आकाशको तारा झार्ने समाज सेवीबाटै लुटिएका छन् यहाँ

खै.....आफ्नै माईतीबाट पनि तिखो वचन सुन्नु पर्दा यहाँ

यो वेसहारा दुःखित चेलीको कोही छैन भने झैं लाग्छ यहाँ

कोही छैन भने झैं लाग्छ यहाँ ।







सविता लामा

थाङपालकोट गा.वि.स. - ७ नागिघ्याङ

सिन्धुपाल्चोक, नेपाल

हालः- कुवेत