बालक गुरुङ्ग
bhs_grg@yahoo.com

मेरी प्रिय प्यारी संगिनी

जब मेरो मृत्यु हुन्छ भने

मेरो मृत्युमा तिमी धुरु धुरु नरुनु

मेरो मृत शरिर

तिम्रो सामु तेर्सिएको हुन्छ भने

अलाप बिलाप बेदनामा नबहनु ॥




मेरी प्रिय प्यारी संगिनी

जब मेरो मृत शरिर

सेतो कात्रोमा बेरिएको हुन्छ भने

सिंउदोको सिंन्दुर पुछेर हातको चुरा तोडेर

आफुलाई सर्वा नबनाउनु

बरु सांच्चै मलाई माया गर्छौ भने

स्वंयवरको रंगिन सारी आडेर

अतितको मिठास यादहरु संझिदै

बाई बाई गरि दिनु ॥



मेरी प्रिय प्यारी संगिनी

सांच्चै तिमीले मलाई माया गरेकी हौ भने

मुसुमुसु हांसेर मेरो मृत शरिरमा

एउटा फुलको थुङ्गा राखी दिनु

अनि छिट्टै चांडै स्वर्गमा भेटेर

फेरि संगै जिवन जिउने प्रण गर्नु

यद्यपि

तिमीले रोई कराई नखरा गरेकी होईनौ भने

सांच्चै अनन्त माया देखाएकी हौ भने

मेरै साथ सति आई दिनु ॥