साहित्यकार गोविन्दबहादुर मल्ल 'गोठाले'को ८९ वर्षको उमेरमा निधन भएकोमा अन्तराष्ट्रिय नेपाली साहित्य समाज (अनेसास) कुबेतले हार्दिक समबेदना प्रकट गरेको छ । अनेसास कुबेतका अध्यक्ष राजन रिमाल अभिलाषि द्रारा जारी गरिएको बिज्ञप्तीमा "नेपाली साहित्य आकशले एक मुर्धन्य ब्यक्तित्व गुमायकोमा अन्तराष्ट्रिय नेपाली साहित्य समाज (अनेसास) कुबेतले हार्दिक समबेदना प्रकट गर्दछ । यस दुखद घडीमा वहाँको मृत आत्माको चिर शान्तिको कामना गर्दछौ" उल्लेख छ ।



गोविन्द वहादुर मल्ल गोठाले

 रक्तअल्पताबाट पीडित गोठालेको मंसिर २७ गते सोमबार उपचारको क्रममा ज्ञानेश्वरस्थित हिमाल नर्सिङ होममा निधन भएको थियो । वि.स. १९७९ साल असार २६ गते ओमबहाल काठमाडौंमा जन्मिएका गोठालेले आईएससीसम्म अध्ययन गरेका छन् । उनका पल्लो घरको झ्याल, भुसको आगो, प्रेम र मृत्यु, च्यातिएको पर्दा, भोको घरलगायतका कृति प्रख्यात छन । गोठालेले गोरखा दक्षिण बाहु, त्रिभूवन प्रज्ञा पुरस्कार, वेदनिधि पुरस्कार, भवानी साहित्यिक पत्रकारिता पुरस्कारलगायतका पुरस्कार, मान सम्मान तथा पदक पाएका छन् ।